Kan hriat angin nizan khan Lionel Messi chuan Paris Saint-Germain tana a game hmasa ber tur a khel a, Spanish TV History ah French football game en tam ber tum a ni.
Nizan Ligue 1 match khelhah Reims chuan Paris Saint-Germain an mikhual a, kha match khelh kha FC Barcelons fans maktaduai (million) chuangin an en a ni, a chhan chu an hero Lionel Messi inkhelh lai en duh vangin.
Barca legend Gerrard Pique Kosmos company lei chuan Lionel Messi’an PSG a zawm hnuah French League rights a lei a, a ti fuh viau dawn niin a lang.
Nizan inkhelhah khan Paris Saint-Germain lamin 2-0 in hnehna an chang a nih kha, minute 66 na velah Messi chuan Neymar a thlak a, Camp Nou a chhuahsan hnua football a khelh leh hmasak berna a ni nghe nghe.
Nizan Reims leh Paris Saint-Germain inkhelh kha Spain atangin mi 6,734,000 lai maiin TV atang an en a ni.
Twitch Caster lar tak Ibai Llanos pawhin a channel-ah a stream a, Spanish mi maktaduai 2 ai tam daih maiin an en bawk.
Heti chung pawh hian Spanish TV channel pakhat Telecinco erawh an chhiar lo mah mah.
Nizan inkhelhah khan Kylian Mbappe chuan PSG tana goal 2 kha a khung ve ve a, hnehna a chan pui.
Tun thla tir khan Gerrard Pique chuan Spain-ah Ligue 1 rights a lei a, a tih fuh ang reng hle.
ESPN in an tarlan dan chuan Pique company Kosmos hian TV ah tha taka Ligue 1 en thei turin kum 3 chhung contract a sign pui niin an tarlang.
Tunhnai lawk pawh khan Movistar in Spain-ah Ligue 1 atang hlawkna a tel nasa hle a, kum khatah Maktaduai 2.5 ai tlem lo daih hlawkna an tel a ni.
Source TSF