‘Messi chu a training ground ah a kir leh dawn’ Real Madrid laka Lionel Messi lo chet tawh dan

Kan hriat angin software lamah buaina a awm deuh avangin UEFA chuan Champions League round of 16 an draw tha leh a, an draw that leh hma hian UEFA chuan fans te hnenah ngaihdam a dil hmasa ni.

UEFA Champions League draw that a nih leh hma khan fans tam tak ten an lungawi lohna an ti lang nasa hman hle a ni.

Draw that a nih leh hnu hian Red bull Salzburg chuan Bayern Munich an hmachhawn dawn a, Portugal club Sportin Lisbon pawhin English champions Manchester City an tum ang.

Ajax in Benfica an tum anga, European champions Chelsea hin Lille an tum bawk ang. Atletico Madrid in Manchester United an tum anga Villarreal in Juventus an tum bawk ang.

Inter Milan leh Liverpool an inhmachhawn anga, Paris Saint-Germain leh Real Madrid an inhmachhawn bawk ang. First leg hi nakum February thlaa khelh tur a ni a, ni 16 ah first leg khelh tan a ni ang.

Lionel Messi team Paris Saint-Germain in Real madrid an hmachhawn dawn a, Real Madrid laka Lionel Messi chet dan tlem a zawng kan rawn tarlang ve leh dawn a ni. Twitter hmangtu pakhat chuan, “Lionel Messi chu a training na hmunah a kir leh dawn” tiin a tweet.

Lionel Messi hian Real Madrid chu vawi 45 lai alo hmachhawn tawh a, Goal leh assist vawi 40 lai a nei tling a, Barcelona history-ah amah khum thei reng an la awm lo. Real Madrid lakah hnehna vawi 19 a chang a, Barcelona history-ah Real Madrid laka hnehna chang tam ber player a ni.

Tun tumah hi chuan Paris Saint-Germain jersey ha chungin Real Madrid a hmachhawn tawh dawn a ni.

Source SK

Related Posts

error: Content is protected !!