Real Madrid midfielder Toni Kross leh Los Blancos captain hlui Iker Casillas chu Messi Ballon d’Or dawn hnuhnung berah an lungawi vak lo niin a lang.
Barcelona leh a ram Argentina tan kumin kumtir lam atang a chet that avangin kum 34 a upa Lionel Messi chuan 2021 Ballon d’Or trophy a dawng a nih kha.
Real Madrid midfielder Toni Kroos chuan Lionel Messi Ballon d’Or dawn chungchang react in. Leo hian kum 2021 footballer tha ber nihna hi a phu lo tak zet niin a sawi a, aia tha an awm thu a sawi tel bawk.
“Leo Messi hian a phu lo tak zet,” tiin Real Madid midfielder Toni Kroos chuan a sawi nghe nghe.
“Hai rual lohin Lionel Messi leh Cristiano Ronaldo hi kum 10 liamta chhung khan player tha ber anni. Mahse, kuminah erawh a aia tha an awm” tiin a sawi belh.
Toni Kroos hian Ballon d’Or dawng tura a rin mi pathum a thlang chhuak a, tah chuan a teammate Karim Benzema chu a hmasa berah a dah nghe nghe.
Frenchman Benzema hi season hmasaah khan Real Madrid tan a che tha hle a, all competion-ah Real Madrid tan match 46 a inlan atang goal 30 a khung mai bakah assist vawi 9 a nei tling a ni.
Euro 2020 ah pawh khan goal 4 a khung a, thla hmasa lawkah pawh khan UEFA Nations League-ah goal 2 a khung bawk.
Toni Kroos hian Bayern Munich striker Robert Lewandowski chu pahnihnaah a dah a, Season hmasa khan Lewandowski hian Bavarians tan all competion ah goal 48 lai khungin assist vawi 9 a nei ve bawk.
Pathumnaah Chelsea midfielder Jorginho a awm tir a, ani pawh hia dawn phu tak pakhat a ni, Chelsea tan a che tha a, hei mai bakah Italy a chet that pui hle. UEFA Champions League nomawi leh Euro nomawi a chawi a, UEFA Super Cup nomawi a chawi tel bawk.
Hetihlai hian Los Blancos captain hlui Iker Casillas pawhin 2021 Ballon d’Or Lionel Messi hnenah an hlan hi chu an tisual ve deuh a ni tiin a sawi.
“Lionel Messi hi player tha chu a ni teh meuh mai, mahse, tun tum Ballon d’Or ah hian a aia phu an awm nuk mai.” tiin Casilas chuan a sawi.
Source SL