Paris Saint-Germain president Nasser Al-Khelaifi chuan an striker Kylian Mbappe chungchang sawiin, Lionel Messi la lut tawh mahse club danga chhuah ala phal lo niin a lang.
Kan hriat angin Paris Saint-Germain chuan FC Barcelona atang Argentinian star Lionel Messi an la lut a, PSG lamah Season 2 chhung atan contract a sign a ni. Kum 2 hnuah pawh contract dang a la pawtsei thei bawk. PSG in Messi an lak luh hnuah Kylian Mbappe chungchang sawi pawh a tam hle, ani hi kum 2022 summer transfer khian a contract neih a zo ve dawn a ni.
Mbappe hi Real Madrid lama insawn tur angin thuthang a tam hle a, Real Madrid hian engtikniah emaw chuan Kylian Mbappe hi an lak luh theih ngei a rinawm. Al Khelaifi chuan PSG in messi an lak luh tak avang hian La Liga leh Premiere League club te aiin PSG chu mi tamtakin an duh phah zawk dawn niin a ngai.
🗣️ "It is an amazing and historic day for the club"
— Sky Sports News (@SkySportsNews) August 11, 2021
PSG president Nasser Al-Khelaifi introduces new-signing Lionel Messi to the media 🌍 pic.twitter.com/j6PCMpGYBw
“Tunah chuan team tha ber pakhat kan ni tawh ngei ang. Kylian Mbappe pawhin duhthlan tur a nei tawh lovang, mahse, Paris Saint-Germain-a la awm chiah duhthlan tur a nei tawh a ni. Mi zawng zawngin Kylian Mbappe hmalam hun tur chu an hriat deuh vek tawh ka ring, Paris mipui leh player te pawhin an hria ang. Player tha tak a ni a, hnehna chang duhmi a ni a, trophies chawi a duh bawk, mipui hriatah ah a sawi fo thin” tiin PSG president chuan press conference-ah a sawi.
“Team tha takah a khel duh a, tunah chuan khawvel team tha ber pakhat kan ni tawh. Tunah chuan excuse a awm thei tawh lo, engthil mah a ti thei tawh lo. Lione Messi elpui ber nih a tumna chu a theih tawh dawn lo a ni.” tiin president chuan a sawi.
Source 90Min