Messi a tha ber tih hi sawi a harsa- Barca Player hlui

Brazil leh FC Barcelona player hlui Rivaldo chuan Lionel Messi’an Ballon d’Or vawisarih lai dawng tawh mahse, footballer ropui ber tia sawi theih a nih loh thu a sawi.

Kan hriat angin 2021 Ballon d’Or ah Lionel Messi chuan Bayern Munich striker Robert Lewandowski leh Chelsea midfielder Jorginho hnehin a vawisarihna atan a dawng a nih kha.

Mi tamtak chuan Paris Saint-Germain star Messi hi footballer ropui ber angah an ngai a, thenkhat ten Diego Maradona emaw Pele an ngai ve thung.

Rivaldo hian kum 1999 khan Ballon d’Or award alo dawng ve tawh a, Messi chu greatest of all time ah pathumna velah a awm niin a ngai.

“Player tha tak pakhat a nih zia chu amah pawhin a hria ang, mahse, a tha ber a ni tih erawh sawi harsa tak a ni, Argentina chu World Cup nomawi a chawi pui ve phawt a ngai maithei.” tiin Brazilian striker hlui Rivaldo chuan Berfair a hrilh.

“Player dang, Pele te ang chuan FIFA World Cup nomawi tamtak an chawi a, hei vang pawh hian Messi chu a tha ber tiin i ngaihtuah theilo maithei.”

“A awmna erawh a sang ve hle, top 3 velah chuan a awm ang.” tiin Rivaldo chuan a sawi belh.

Source SL

Related Posts

error: Content is protected !!