Kan hriat angin Netherland International Memphis Depay chuan Barcelona a zawm a nih kha, a zawm atang kar khatna vel chauh liam rih mahse, Barcelona lamin a hlawh chu 30 percent lai maia tih hniam sak an tum niin Daily Mail in an tarlang.
Depay hian 2022-23 season thleng tur atan Catalan club lianah hian contract a sign a, Barcelona player lak luh thar Sergio Aguero, Eric Garcia leh Emersn Royal te a zawm dawn a ni.
Mahse, La Liga in hlawh limit an siam chu Barcelona hian a pelh deuh avangin, an player lak luh thar thenkhatte hlawh chu cut a ngai dawn niin an sawi.
Memphis Depay leh Barcelona te hi hunrei tak atang tawh khan sawi zawm an lo ni tawh a, tunah chuan official takin Netherlands lama a pu hlui Ronald Koeman hnuaiah season thar chhung hun a hmang tawh dawn a ni.
Contract inremna an neihah hian a hlawh tur hi £6 million niin bonus a awm bawk ang. Mahse club lamin sum lamah harsatna an neih avangin tunah chuan a hlawh tur hi £5 million ai tam hret ah an cut sak dawn niin an sawi.
Barcelona lamin Depay hlawh hi cut sak mahse, a hlim tho niin Goal chuan a tarlang.
FC Barcelona hian an superstar Barcelona contract pawhsei na tur atan pawh an player te hlawh an cut sak nual dawn niin an sawi. Tunah hian Messi chuan contract ala nei rih lova, free agent in ala awm. Barcelona hian contract thar an pek belh a rinawm.
Source Mailonline