Liverpool star Harvey Elliot leh Emelia Scarlett-i hi tunah hian an inngaizawng mek a. Anni pahnih hi kum 2021 kum tawp lam atang khan an inkawp tih hriat theih a ni. Harvey Elliot leh Emelia Scarlett hi kum 2003 a piang ve ve anni a, tunah hian kum 19 a upa anni mek.
Harvey Elliot hi Liverpool tan a rawn che tha chho viau a, a bialnu a dah pawimawh thei hle. Scarlett hi UK-a piang niin a nu hi English mi a ni. School lama zirna a zir zawh hnuin a profession atan modeling lam chu a thlang ta a ni.
Scarlett hi kum 2018 khan M Model Management atangin modeling career bul a tan a. Instagram lamah pawh followers a nei tam ang reng hle tawh a. Tunah hian followers 68K vel a nei tling mek a, Havey Elliot nena an inzui hnu hian mi tamtakin amah chu an hmel hriat a, amah duhtu pawh an pung chak hle niin a lang.
Liverpool in 7-0 lai maia Manchester United an hneh tum khan Harvey Elliot pawhin faktu a nei nual. Inkhelh zawh anih rual khan Jordan Handerson chuan Elliot hi ti hian a fak.
“Elliot hi talent nei tha tak player a ni a. Hliam duhawm lo tak a nei thin, mahse, tunah chuan chung a hliam neih te chu a kalsan tawhin a lang. Englai pawhin amah atangin hmasawnna hmuh tur a awm. A kiang vela awm player te hi an tha ve bawk a, top player te atangin a inzir nasa hle a ni. Tunah chuan a hma ai zawngin a rawn strong tawh zawk a, rawlthar hmasawn tak a rawn ni chhoh zel ka beisei.” tiin Handerson chuan a fak a ni.
Source SK