Kylian Mbappe hi tunah hian kum 22 a upa chauh ala ni a, tunlai football khawveleh forward hlauhawm ber pakhat a ni, engtiang chiaha tha nge a nih tak ang le? UEFA Champions League goal khung tam lamah Mbappe hian football legendary player 10 a khum tawh te kan rawn tarlang ve leh dawn a ni.
Paris Saint-Germain in 4-1 a Club Brugge an hneh tum khan, France international Mbappe chu Champions League goal 30 khung tling thei zinga naupang ber a ni.
Club Brugge lakah khan goal 2 a khung a, Champions League bika a goal khung zawng zawng chu goal 31 a tling der tawh. Game a khelh hmasak ber atanga chhutin Mbappe hian UCL match 51 a khel tling tawh niin an tarlang.
2018 FIFA World Cup winner Mbappe hi tunlawi football khawvelah chuan forward hlauhawm tak pakhat a ni a, Europe club inelna sang ber Champions League-ah hian hranghlui footballer tha tak tak te alo khum nual tawh mai.
Mbappe’an a khum zingah Arsenal leh Manchester United player hlui Robin van Persie a langsar hle. Van Persie hian Arsenal leh Man Utd tan Champions League match 59 a khelh atangin goal 25 a khung a, hei hi Mbappe chuan a khum.
Rivaldo pawh a langsar, Ajax Amsterdam leh Barcelona striker hlui Patrick Kluivert pawh hia khum zingah a tel, ani hian Champions League goal 29 a khung.
Engpawhnise, Kylian Mbappe’an UEFA Champions League goal khung tam lama a khum tawh legendary player 10 te kan rawn tarlang ve leh e.
A khum tawh Player leh an goal khung zat
Romario – 20 goals
Nicolas Anelka – 20 goals
Fernando Torres – 20 goals
Luis Figo – 24 goals
Hernan Crespo – 25 goals
Robin van Persie – 25 goals
Rivaldo – 27 goals
Patrick Kluivert – 29 goals
Samuel Eto’o – 30 goals
Wayne Rooney – 30 goals
Source SL