Nizan UEFA Champions League match Paris Saint-Germain leh Club Brugge khelhah Mauricio Pochettino team lamin 4-1 lai maiin hnehna an chang a, Paris Saint-Germain tan Mbappe leh Lionel Messi’an goal 2 ve ve khungin, Mbappe hian CHampions League history thar a siam a ni.
Kylian Mbappe hian UEFA Champions League bikah goal 30 a khung tling tawh a, kum 23 birthday lawm turin kar 2 vel chauh a duh tawh. UEFA Champions league history-ah goal 30 khung tling thei naupang ber record ding lai a khum a ni.
Argentina superstar Lionel Messi chuan kum 2010 khan kum 23 leh ni 131 a upa niin Champions league goal 30 a rawn khung tling a, he record hi Kylian Mbappe’an a khum a ni.
PSG in hnehna an chang leh hi Pochettino tan chuan a lawmawm hle, a chhan chu Ligue 1 lamah a zawnin Nice leh Lens chu an lo draw pui tawh avangin.
Kylian Mbappe’an UEFA Champions League goal a khung hmasak ber chu, 2016-17 season khan a ni a, Monaco tana a khung a ni. Semi final thleng khan goal 6 lai a khung nghe nghe.
Kum 2017 summer transfer lai khan Paris Saint-Germain panin, PSG tan pawh player pawimawh tak a ni mek.
Season hmasa khan Champions League match 10 a inlan atangin goal 8 a khung a, tun season khelh mekah goal 4 a khung tawh bawk.
Tunah hian Mbappe’an UEFA Champions League goal 31 a nei tling tawh a, khung belh theihna ala awm nual mai.
Source SL