Mbappe leh Real Madrid an inrem

Tun season khelh lai a zawh hunah Kylian Mbappe chuan Spanish khawpui pan turin Real Madrid a rem pui niin report in a tarlang.

Bild in a tarlan dan chuan Kylian Mbappe hi Real Madrid lamin kum khatah €50 million lai mai an hlawh tir dawn niin an tarlang.

Kylian Mbappe’an Paris Saint-Germain lama contract a neih hi tun season khelh lai a zawh hunah a zo ve dawn a, PSG lamin contract thar pek tum viau mahse, an ti hlawhtling hlei theilo. PSG lam hian July thlaah an superstar hi an chan mai dawn niin a lang.

Real Madrid president Florentino Perez a dawh thei hle a, mahse, a tawpah Mbappe chu an la lut thei dawn ta niin a lang.

Real Madrid president chuan PSG hian an player tha an hralh chhuah vak ngai loh thu a sawi chhuak a.

“PSG hian an player tha te an chhuahtir vak ngai lo, hei hi thil atthlak tak a ni.” tiin Perez chuan a sawi.

“Player pakhat ringawt lak luhna atan €200 million lai mai offer kan siam a, mahse, an hralh lo. Player contract a zo dawn ta nghe nghe a, hei hi a tha tak zet.” tiin a sawi bawk.

Tun season khelh mekah Mbappe chuan all competion ah match 28 a inlan atang goal 19 a khung mai bakah assist vawi 16 a nei tling mek a ni.

Source SL

Related Posts

error: Content is protected !!