“Mbappe hian PSG chhuahsan a duh ngai lo” – Nasser Al-Khelaifi

Mi tamtakin Kylian Mbappe hi tun summer transfer window-ah Real Madrid a pan ngei an ring a, hemi chungchangah Paris Saint-Germain president chuan Mbappe’an club chhuahsan a ngaihtuah ngai loh thu a sawi chhuak.

2021/22 season tan hma deuh khan Los Blancos chuan theihtawp chhuahin Mbappe lak luh ngei an tum anih kha. Kha tihlai khan PSG lamah Mbappe hian thla 12 daih contract ala nei mek. Real Madrid chuan French forward lak nan tiin €180 million lai mai an thehchhuak bawk.

Real Madrid in PSG lam dem viau mahse, Nasser Al-Khelaifi chuan harsatna a neih loh thu a sawi, a chhan chu Mbappe thil duh tak tak a hriat vang a ni.

“Club ang zawngin Real Madrid hi ka zah hle a, club ropui tak a ni, Mahse, Kylian Mbappe hian pawisa avang chauhvin contract renew a tum ngailo, hei hi a pakhatna chauh a ni.” tiin Al Khelaifi chuan Spanish publication Marca a hrilh.

“Madrid offer kha kan offer aiin a tha zawk.”

“Kan player a ni a, Madrid bakah ENgland lamah pawh a duh chuan a lut thei, mahse, PSG hi a thlang, minute tawp thleng khan amah emaw a chhung te pawh sum chungchangah kan be lo.”

“Kylian Mbappe hi project-ah a pawimawh ber a, football leh sports ah pawh a pawimawh. Parisian a ni a, French a ni bawk, he club-a awm a, khawpui leh ram tana khelh hi a duh. Kylian Mbappe a fair lo tih hi engtin nge an sawi theih zawk.”

“Mbappe’an PSG chhuahsan a duh lohna hi thla 18 chhung teh meuh mai ka hre tawh.”

“Madrid tana khelh a duh tiin thuthang a awm a, hei hi thu diklo a ni.”

“Madrid offer hnuhnung ber kan sawi hova, mahse, summer-ah khan Real lamin €170 million leh €180 million vel offer an lo siam, Madrid lamina an offer, salary, plus salary hrim hrim kha, keini aiin a tha zawk daih.”

“€180 million chu ka hnawl a, mi mawl tak i ni min titu pawh an awm. A chhan chu free in a chhuak thei dawn tlat, mahse, ka ti tho, a chhan chu Kylian Mbappe hi hetah a awm duh tih ka chiang a, amah leh a chhungte ka hrechiang hle a ni.” tiin a sawi bawk.

Source SL

Related Posts

error: Content is protected !!