Argentine goalkeeper Emiliano Martinez chuan French forward Kylian Mbappe an a hma hunah Ballon d’Or tam tak a la dawn tur thu a sawi.
Martinez hian a ram Argentina chu FIFA World Cup 2022 a chawipui a, Golden Glove Award dawng bawk in hlawhtlinna ropui an chan theihnan a thawhhlawk hle.
Quarter final a Netherlands nen penalty shootout an neih tumin a che ropui hle a, final match a hun tawp dawna Kolo Muani shot a dang tha takzet bawk.
Martinez hian World Cup an chawi zanah locker room ah Kylian Mbappe chu nuihza siam nan a hmang a, trophy parade an neih tumin Mbappe naute lem a kengchhuak nghe nghe bawk. Amaherawhchu tun hnaia interview a hmachhawnna ah final-a a laka hattrick siamtu Mbappe zahlohna pakhatna mah a neih loh thu a chhakchhuak.
“Locker room a thil thleng kha mipui hriat ah phochhuahin a awm tur a nilo. 2018 a France in min hneh tum khan locker room ah Messi hming lamin hla an sa. Team pakhat hian Brazil hneh ta se, locker room ah Neymar chungchang hla in an sa ang. Mimal takin Mbappe ka deuhsawh reng reng lova, ka zah hliah hliah zawk. Ani (Mbappe) emaw Neymar chungchang hla kan sa dual dual anih chuan player tha ber te anni tihna a ni mai” tiin Aston Villa goalkeeper chuan a sawi.
Kum 30 a upa hian France a huat loh thu sawi leh in,”Ka carrer chhung zawng hian French mite bulah ka khawsa a, buaina chhe te pawh ka nei lo. Eng ang mi nge ka ni tih chu Giroud (Ex Arsenal & France player) hi in zawt thei ang. French hnam zia leh a rilru puthmang te hi ka duh hle”a ti.
