Manchester City striker Erling Haaland chuan Paris Saint Germain forward Kylian Mbappe a dahsang hle a, a ram Norway tan hiala khel tura a duh thu a sawi.
Ronaldo leh Messi hun a liam zel a, Mbappe leh Haaland te hun inherchhuak ve zel in player pahnihte hi tun dinhmuna a ber te zingah an tel mek. Mi tam tak in an khakhin chho tan a, Messi leh Ronaldo te ang deuh in Mbappe leh Haaland te chungchangah pawh inhnialna a chhuak ta fo mai.
Tun hnaia RMC Sport in an kawmna ah Norwegian striker Haaland chuan hetiang hian Kylian Mbappe chungchang a sawichhuak, “Player tha tak tak an awm nual a, chung zingah chuan Kylian Mbappe pawh hi a tel ngei e. Player chak tak a ni a, France tana a khel hi French mite tan chuan lawmna a ni. Norway tana khel turin ka duh chiang a, mahse thil nihdan tur erawh a nilo.”
kum 22 a upa chuan sawi chhunzawm zel in,”Player chak leh rang tak a ni a, kum tam tak chhung tha takin an lo inkhel tawh. Kei aiin kum 2 in a upa tiraw? kum 10 dang tha takin a la khel thei dawn a, chu chu keipawhin ka inhrilh nawn fo a ngai. Player tha tak zawng a ni chiang e” a ti.
Haaland leh Mbappe te hi tun dinhmuna forward form ber pahnih anni a, City striker hian club tan season kal mek ah game 31 a inlan atangin goal 32 leh assist vawi 4 a thawkchhuak tawh. Kum 24 a upa Mbappe pawhin season duhawm tak a hmang chho mek a, a club tan game 28 a inlan atangin goal 27 leh assist vawi 6 a thawkchhuak tawh a ni.
