Report hrang hrangin an tarlan dan chuan Kylian Mbappe hi tun season zawh hnu pawhin Paris Saint-Germain lamah ala awm chhunzawm rih dawn niin an tarlang. Mahse, Spain lama sources dang te ngaihdan erawh a dang thung.
Les Parisiens leh Real Madrid te hian kum 23 a upa Kylian Mbappe hi an inchuh dawn niin a lang.
Tunkara report thenkhatin an tarlan dan chuan 2018 FIFA World Cup winner hi tun season zawh hnu pawhin Parc des Princes lamah ala cham chhunzawm dawn niin an tarlang a, tuna contract neih pawh hi season thar lamah chuan a expired ve dawn a ni.
Hetihlai hian thuthang leng vel avangin Real Madrid president Florentino Perez erawh a buai ve lo, Mbappe hian season zawh rualin free transfer in Los Blancos a zawm ang tiin a sawi niin ESPN correspondent Gemma Soler’an a sawi.
French international hi season tan tirh atang tawh khan Los Blancos No.1 transfer target a ni a. Mahse, transfer windows hmasa lamah khan PSG lamin €200 million offer an hmuh chu an hnawl sak niin an sawi. Amah Mbappe ngei pawhin jersey var hak chu a duh tih hriat a ni, hei vang hian Real Madrid lam chuan free transfer-a an lak theih hun tur an nghak ve reng niin an sawi.
France forward hian tun season khelh mekah PSG tan all competion ah match 27 inlan tawhin goal 19 a khung mai bakah assist vawi 15 a nei tling mek a ni.
Source SL