Mbappe contract chungchanga thil inthup hailan a ni – Report

Paris Saint Germain forward Kylian Mbappe contract thar chungchangah thil inthup a awm niin a lang.

French forward hian tun nipui bazar liamta khan Real Madrid a pan ngei dawn ni a a lan laiin Paris khawpuia cham chhunzawm zel turin kum 2025 thleng daih tur contract thar a ziak ta zawk. Contract thar ziak tur hian PSG hotute mai bakah France president Emmanuel Macron ngei pawh in Kylian Mbappe hi a fuih.

Real Madrid lam chuan Mbappe hi sum duh luat vanga PSG a cham niin an ngai a, kartin a £10,00,000 lalut tu an puhna hi a awm lo hran love. PSG president Nasser Al-Khelaifi erawh in Kylian Mbappe chu sum vanga Paris a cham zel anih loh thu leh he hmunah hian a tihtur a la hlen loh avanga cham zawk anih thu a sawi ve thung.

Kum 23 a upa Mbappe an thla 3 vel liamta khan contract thar a ziak a, kan hriat dan chuan ‘Mbappe an 2025 thleng daih tur contract a ziak’ tih a ni, amaherawhchu heihi a dik tawk lo niin a lang. Report tarlan dan in Mbappe hian 2025 thleng daih tur Paris ah contract a ziak a, kum khat dang erawh amah kutah engkim a innghat. Duh chuan thla 12 dang a cham thei anga, a duh loh erawh in club dang a pan thei ang.

Season hmasa a Paris Saint Germain top scorer hian tun season ah pawh bul a tan tha a, match 7 a inlan atangin goal 9 a khung tawh.

error: Content is protected !!