Mbappe an Neymar nen an inkar chungchang a sawi

Paris Saint Germain star Kylian Mbappe chuan Brazilian forward Neymar nena an inkar chungchang sawiin inhmuhthiam loh chan nei ve bawk mahse thian tha tak anni reng.

Heng forward pahnih te hi Montpellier laka hnehna an chan tum in penalty chungchangah an inhmuthiamlo deuh a, PSG coach Christophe Galtier an Mbappe chu penalty pet turin ruat lawk mahse Frcnh forward hian penalty vawikhatna a hlah a, a vawihnihna pet leh a tum chu Neymar lo inrawlh in Brazilian forward hian goal ah a chantir nghe nghe.

Penalty chungchanga an buaina hi dressing room thlengin an la chhunzawm zel a, Spanish defender Sergio Ramos chuan a nau te pahnih hi a khap dai thei hram niin report chuan a tarlang.

Tun hnaiah buiana neuh neuh an neih avangin Neymar nena an inkar thu reporter te’n an zawt a, Mbappe chuan reporter te zawhna hetiang hian a chhang.”Kum 6 chhung Neymar nen hian kan kheldun tawh a, ka ngaihdan chuan kan pahnih hian kan inzah tawn hle. A chang chuan kan imhmuthiam lo a, a changin inbiak loh tum lah kan nei bawk, mahse hei hi chu a dan ve reng turah kan ngai. Thian tha tak kan ni reng a, player anih ang in ka zah hle a, he team tana a pawimawhna pawh a sang hle” a ti.

‘Juventus laka hnehna chan theihna tur penalty hmu ta ula a tu in nge pet ang’ tia reporter te zawhna Mbappe chuan chhang leh in,”Kan hria ang chu, kan hre chawpchilh zel mai ang. Kan inrawn ho anga, kan khelhdan leh rilru puthmang a zir te pawh in a ni ang chu. Penalty taker number 1 nih vanga penalty zawng zawng pet tur tihna pawh a ni hran lo” a ti.

Tun season Champions League Group H ah Ligue 1 champion Paris Saint Germain hi Juventus, Benfica leh Maccabi Haifa te nen an awm ho a, zanin zanlai dar 12:30 hian Serie-A club lian Juventus an lo mikhual ang.

error: Content is protected !!