Maurizio Sarri chuan Jorginho chu kumin Ballon d’Or Shortlist-ah a awm tih a nemnghet.
Chelsea manager hlui Maurizio Sarri hian a managerial career-ah Jorginho nen hian inlaichinna tha tak an nei a, Napoli leh Chelsea lamah an thawk dun tawh a ni.
Sarri hi Jorginho thatna hrechiang bertu pakhat a nih ngei a rinawm, Napoli leh Chelsea-ah khan a hmang rim hle. Serie A lamah tha taka hun an hman hnuin, kum 2018 khan Stamford Bridge lamah an lut ve ve a, Europa League nomawi an chawi nghal a nih kha. Kha Europa League nomawi khan Sarri Managerial career bikah a trophy dawn vawikhatna a ni nghe nghe. Mahse, Frank Lampard’an Chelsea a enkawl lai khan Jorginho hian duh angin khelhna hun a hmu tam lo hle, Thomas Tuchel’an CHelsea a enkawl hnuah a hmang rim leh hle.
Thomas Tuchel hnuaiah hian a che tha ang reng hle a, 2021 UEFA Champions League nomawi an chawi theihnaah pawh khan player pawimawh tak pakhat a ni. Chutiang bawkin Euro 2020 ah pawh Italy tan a rawn che hit leh hle a, Italy in Euro final an thlen theihnaah pawh player pawimawh tak pakhat a rawn ni chho leh.
Italian manager Maurizio Sarri chuan kumina Jorginho chet dan chu a fak hle a, Italy in Euro 2020 nomawi an chawi a nih ngat chuan Ballon d’Or dawn phu ber pakhat a nih thu a sawi.
“European Championship-ah hnehna an chang a nih chuan, Ballon d’Or dawng thei tur zingah a tel ang.” tiin Maurizio Sarri chuan SportItalia a hrilh.
“Player zemawi tak a ni, hei vang hian mi zawng zawngin amah chu an hrethiam thin lo”
“Enkim mai hi awlsam tak angin a siam thei, hei hi a ropuina a ni. Chelsea lama ka kal lai khan, Manchester City a zawm teuh hle, mahse, kan chhuh thut a nih kha.”
“A hmasa berah chuan fans, Journalist leh mithenkhat te tan chuan hriatthiam har tak tur a ni, tunah chuan a hlut dan ka hrethiam taw, Chelsea captain hial a ni tawh.” tiin a sawi bawk.
Tunlai vel hian Jorginho hian thawm a nei lian hle a, media hrang hrang ten Ballon d’Or phu angin an sawi hlawm. Italy lama a teammate Lorenzo Insigne pawhin Ballon d’Or a phu niin a sawi.
Jorginho hian 2021 Ballon d’Or hi a dawng mai lovang maw?
Source SF