Manchester United midfielder Nemanja Matic chuan Mason Greenwood leh Marcus Rashford chu Ole Gunnar Solskjaer enkawl Man Utd dribbler tha ber annih thu a sawi. Serbian international hian Man Utd dressing room lama Paul Pogba nunphung chu nuihzattthlak a ti bawk.
Greenwood leh Rashford hi Manchester United tan an pawimawh hle a. Tun season khelh mekah Greenwood hian goal 4 khung tawhin assist vawi 1 a nei tawh a ni. Rashford pawh tun hnai lawkah khan hliam a neih atangin a rawn kir a, game 6 a khelh tawh atangin goal 3 a khung ve tawh bawk.
Manchester United midfielder Matic chuan Greenwood leh Rashford chu Solskjaer squad-a dribbles tha ber 2 annih thu a sawi a. Cristiano Ronaldo leh Jadon Sancho pawh player pahnih ang thova an that ve thu a sawi.
“Dribble hi chu ka tan a ni lo, dribble vak vak chi ka ni lo, a chhan chu ka position angah hi chuan dribble vak vak hi a theih loh. A bik takin kan striker te chungchang ka sawi a ni. Mason Greenwood leh Marcus Rashford hi dribble tha ber anni mai thei.” tiin a sawi.
Serbia international Matic chuan Paul Pogba chu Manchester United zinga funny ber a nih thu a sawi. Kum 28 a upa Paul Pogba hi a thinrim chang hian a funny zual niin Matic chuan a sawi.
Source Sl