Manchester United player thar ni tawh mai tur Mason Mount chuan a lo chawrchhuahna Chelsea a mangtha fel a, Instagram lamah Chelsea fans te a mangtha-na video a dahchhuak.
”Chelsea fans te, tun hnai thla 6 chhunga thil thlen dan avangin he thil hian in mak tih a hlawh lutuk in ka ring lo. Mahse chumi avang chuan Chelsea chhuahsan tura thutlukna ka siam fel thu hi hrilh che u a awlsam phah hauh lo thung.”
”Thu ziah chhuah mai aia sang in phu in ka hria a, chuvangin tun kum 18 chhunga min thlawpna avanga in laka ka lawm thu hi tlang taka sawi ka duh a ni.”
”Ni e, ka thutlukna siam ah hian thenkhat chu in lungni lo hle ang tih pawh ka hria, mahse tuna ka dinhmun ah chuan ka career tana dik ber a ni miau si.”
”Kum 6 mi ka nih in Chelsea ka zawm a, thil tam tak paltlang ho in Youth Cup te, ka player award te, Super Cup, Club World Cup leh kan theihnghilh ngai tawh loh tur Champions League final zan mawlh mai te kha.”
”Academy lama Jim leh Neil te chungah lawmthu ka sawi duh a, kum naupang te an nih atanga hna tha an thawh vangin. Tin, manager ka lo thawhpui tawh te; Frank, Thomas leh Graham te, Cobham ah a kila lung tangkai tak backroom staff te, ka teammate lo ni tawh zawng zawng, tuna ka unau ni ta te, an mi hmangaihna leh support na ka dawn zawm reng thin ka chhungte chungah lawmthu ka sawi duh a, a pawimawh ber engtik hun lai pawha min tan tlat thin fans te hnenah lawmthu ka sawi bawk. Duhsakna sang ber ka hlan a che u.”
Mount hian Chelsea tan game 195 khel in goal 23 leh assist vawi 37 a thawkchhuak a, academy atanga first team a inhlangkai chho niin tun hnaia Blues hlawhtlin na ah a thawhhlawk hle. Kum 24 a upa hian 2021 leh 2022 ah te Chelsea Player Of The Year lawmman a dawng a, 2021 Champions League final a goal lut awmchhun leh Chelsea champion na goal ni bawk assist tu a ni nghe nghe.
English internatioal hian Manchester ah medical test a nei fel tawh a, contract ziak tawh bawk in official announcement chiah nghah a ni tawh.