Mason Greewood chuan Cristiano Ronaldo leh Lionel Messi chungchanga inhnialna ah a ngaihdan a sawi ve.
Tun footballer-ah chuan Messi leh C Ronaldo hi an ropui ber kan ti thei ang, an pahniha Ballon d’Or an dawn tawh zawng zawng belhkhawm chu 11 lai a tling a, midang hian an khum theih kher tawh a rinawm lo a ni.
Tunah hian Lionel Messi hi kum 35 a upa a ni a, C Ronaldo erawh kum 37 a upa a ni tawh a, mahse, vawiin ni thlengin tunge tha zawk tih chungchangah inhnialna ala awm rih a, anni panih chungchanga inhnialna hi ala tawp mai mai dawn lo niin a lang.
Manchester United striker Mason Greenwood hian engtikniah emaw chuan khawvel player tha ber nih a tum ruh hle a, tunah hian kum 19 chauhva upa ni rih mahse, Ole Gunnar Solskjaer hnuaiah player pawimawh tak pakhat a rawn ni chho. United in Jadon Sancho la lut mahse, ala pawimawh chho zel dawn niin a lang.
Man Utd teenager hian Old Trafford lama C Ronaldo lo khelh thin vang ringawtin Ronaldo hi a tan lem lova, mahse, Lionel Messi a thlang thung.
“Ka tan chuan, englai pawhin Messi hi a ni zel ang.” tiin kum 19 a upa Mason Greenwood chuan MUTV a hrilh
“Ka tan chuan planet danga awm ang a ni.”
“Ronaldo pawh hi a mak dangdaiin, physical ah a tha a, footballer infiammi ropui tak a ni. Mahse, Messi hian thil tamtak a ti thei ve tho, Barcelona tan thil tamtak ati a, Argentina tan trophy a chawi bawk. Level danga awm a ni.” tiin a sawi.
Greenwood chuan tun hnaia Leo Messi Copa America trophy chu a lawmpui hle. Kum 1993 hnu lama Argentina in major tournament a trophy an chawi vawikhatna a ni.
Kan hriat angin Ballon d’Or vawi 6 dawngtu Leo Messi hian national team tan nomawi a chawi pui har hle a, hetihlai hian C Ronaldo erawh chuan kum 2016 khan Euro nomawi alo chawi pui tawh. Hei vang hian GOAT inelnaah C Ronaldo tantu ten C Ronaldo an dah chungnung hle.
Mahse, tunah chuan Lionel Messi chuan a ram tan Copa America nomawi a chawi pui ve taawh a ni.
Greenwood hian Brazil legend ROnaldo Luis Nazario de Lima chu a entawn ber pakhat a nih thu a sawi tel bawk.
Source SB