Mario Balotelli Harh Rawh – Mancini

Italy coach Roberto Mancini chuan Mario Balotelli a zilh. Italy international hi a hun ṭha a hman zawh hma ngeia harh chhuak turin a fuih – ho lam taka a theihna sang tak liam mai tur chu a uipui a ni.

Balotelli hian theihna sang tak a nei. Premier League club Manchester City leh Liverpool tan pawh a khel tawh, ram tan pawh match 36 a khelh aṭangin goal 14 a khung. Mahse Italy tan hian 2014 hnu lamah a inlan leh tawh rih lo.

Advertisement

Khelmual chhung leh pawn lamah buaina a nei deuh reng a, a khelh mekna Italian club Brescia neitu pawhin Balotelli an lalut chu an tihsual a nih thu a sawi hial, chelh chhunzawm ai chuan a duhna lama chhuak turin an thlah zalen.

Italy coach Mancini chuan, “Mario hi a naupan lai aṭangin ka hre tawh a, theihna sang tak a neih bakah midang tih ve theih loh ropui tak tak a ti thei. Mahse tuna a hun hman danah chuan a theihna sang tak chu ho lam takin a liamtir mek a ni.

Advertisement

“Vawi tam tak insiamṭha turin ka hrilh tawh ṭhin, tunah pawh a laka ka beiseina hi a la pangngai reng. Engtik niah emaw chuan a la inhmu chhuak ve mahna, chutih hunah chuan a tlai tawh mai thei,” tiin a sawi. Tunah chuan a naupan laia a hriat Balotelli hi kum 29 mi a ni tawh.

Mancini hian Man City leh Inter Milan a enkawl laiin Balotelli hi a lo chhawr tawh ṭhin, nundan phung pangngai takin nung se, khelmual chhungah a che ṭha zui bawk a nih chuan Italy tana khel tur pawhin kawng a la inhawng.

Advertisement

CP Vanglaini

Advertisement

Next Post

Football History-a Footballers Upa Zual Top 10 te

Wed Jun 24 , 2020
A tlangpuiin Professional footballers te hian kum 30 atang 40 inkar thleng an khel thin a, mahse, tuna kan rawn […]