Manchester United star Marcus Rashford chuan Anthony Martial chu Spain lamah tha taka che turin duhsakna a hlan. Tun hnai lawk khan Red Devils chuan Anthony Martial chu Sevilla lamah tun season chhung khel turin loan-a a kal thu an confirm a. Rashford pawhin Twitter kal tlangin duhsakna sang ber a hlan a ni.
Kum 2015 khan Anthony Martial chuan Manchester United a zawm a, Old Traffrord lamah a che chhe lem lo. Manchester United tana a game hmasa berah goal a khung nghal a, kha tih lai khan Liverpool a hmachhawn a ni. United tan match 269 ah inlan in, goal 79 a khung hman.
Mahse, kum 26 a upa hi duh ang leh beisei angin a che tha mang lova, tun season-ah phei chuan a khel tlem hle. Game tam zawk khelh theih a duh vangin club dang a zawm a, Sevilla-ah tun season khel mek a zawh thlenga khel turin loan in a lut a ni.
Red Devils hian transfer update chungchang hi Twitter kal tlangin an puangzar a, Marcus Rashford pawhin Twitter kal tlang thovin duhsakna thu a thawn a ni. Rashford hian Martial chu ‘Good Luck my brother’ tiin duhsakna a hlan.
Source SK