Marcelo’an Brazil tan Real Madrid chhuahsan a tum

Argentine outlet Ole tarlan dan chuan tun season khelh mek lai a zawh rual hian, Marcelo pawhin Real Madrid a chhuahsan ve dawn niin a tarlang. Kum 33 a upa Marcelo hian Santiago Bernabeu lamah kum 2022, June ni 30 thleng contract a nei rih, mahse, Brazil club Fluminense chu zawm a tum niin an sawi. Kum 2007 khan Fluminense hi chhuahsanin Real Madrid a pan.

Brazil lamah kir a dawn

Marcelo hian Brazil pan a tum a, a chhan chu Brazil tan 2022 FIFA World Cup khelh theihna turin regular taka football khelh a duh vang a ni. Real Madrid in French defender Ferland Mendy an lak luh hnuah, Marcelo’an first eleven a chang thei tawh meuh lo.

Marcelo hi Real Madrid player pawimawh tak alo ni thin tawh a, mahse, tunah erawh a chuai ve deuh a niang, a pawimawh vak tawh lo. Season hmasa khan match 19 ah chauh inlanin, minute 1339 a khel tling a, tun season khelh mekah pawh match 5 chiah la khelin, minute 140 a ni.

Real Madrid ah a hlawhtling thawkhat

Los Blancos lama hun a hman chhung hian, match 533 lai a inlan tling a, goal 38 a khung mai bakah assist 101 a nei tling. Season 15 lai hun a hmang bawk.

Source SL

Related Posts

error: Content is protected !!