Manchester United manager Ole Gunnar Solskjaer chuan player thar a la lut leh dawn niin report in a tarlang a, season thar lo awm turah Man Utd in an lak tum player 6 te kan rawn tarlang ve leh dawn a ni. An lak luh tum zingah hian 2020 UEFA European Championship khelh meka tel player 3 an tel nghe nghe.
Manchester United hi khawvel club lian zinga pakhat an ni, tun tumah pawh hian rawlthar player talent nei tha tak tak nena sawi zawm an ni a, hei mai bakah exeperience nei tha tak player dang nen pawh sawi zawm an ni bawk.
Real Madrid defender Raphael Varane pawh hi an lak luh tum zingah a tel a, kum 28 a upa Varane chungchangah Ole Solskjaer leh a coaching staff ten an ngaihtuahna an seng nasa, season thar lo awm turah an squad thuam that an tum ruh hle.
Harry Maguire hi Man Utd captain a ni a, hei vang hian a ni chu a position ngaiah a khelh theih zel a rinawm, second centre back position Maguire kawppui atan UEFA Champions League nomawi vawi 4 chawi tawhtu Raphael Varane hi a tha ber dawn niin an ngai.
Man Utd hian Varane an lak luh theih loh thut takin Villarreal leh Spain centra back Pau Torres chu amah thlaktu tur atan lak luh an tum niin report in a tarlang. Tunah hian EUro 2020 a khel ve mek. Kum 24 a upa Pau Torres hi season hmasa atang tawh khan United lamin an melh tawh niin an sawi.
Transfer Expert Frabrizio Romano sawi dan chuan Vetaran goalkeeper Tom Heaton chu tun summer transfer bikah Man Utd lak luh hmasak ber tur a nih thu a sawi. Kum 35 a upa Tom Heaton’an Aston Villa lama contract a neih chu, tunkar chhung hian a expire ve dawn a ni.
England right back Kieran Trippier chu Aaron Wan-Bissaka elpui tur atan lak luh an tum niin an sawi. Mahse, Atletico Madrid chuan Burnley leh Tottenham Hotspur player hlui Trippier hi €40 million ai tlem chuan chhuahtir an phal lo niin an sawi.
Nitlemte liamta atang khan French midfielder kum 18 a upa Eduardo Camavinga chu Man Utd target a nih thu an post. Rennes rawlthar duhawm tak hi club hrang hrangin an duhrawn a. Rennes sporting director Florian Maurice chuan official takin club dang atan offer an la hmuh rih loh thu a sawi.
Jadon Sancho pawh United in an la lut hnai niin an tarlang.
Source SL