Manchester United hian kum khat atana an player hlawh an sen hi £236 million lai a tling a, Football club zingah hlawh atana inseng hnem ber an ni hial maithei.
Player an hralh chhuak tam a, an rawlthar player tha tak tak te pawh loan in an chhuahtir bawk. Tun summer transfer-ah hian an che tha ang reng hle a, player tha 4 lai mai an la lut a ni. An lak luh te chu Tom Heaton (goakeeper), Sadon Sancho, Raphael Varane leh Cristiano Ronaldo te hi anni.
Manchester United player te hian an hlawh hnem ang reng a, a bik takin Crisitiano Ronaldo leh David de Gea hian an hlawh hnem zual a ni. Engpawhnise, tun tumah hian Manchester United player hlawh tlem zual top 5 te kan rawn tarlang leh e. A hnuaia kan tarlan tak te hi an kar khat hlawh a ni e.
5 Victor Lindelöf – £120,000 per week
Manchester United in Real Madrid atang €40 million lai maiin Raphael Varane an la lut a, Club captain Harry Maguire kawppui atana thlan a ni tih chu a chiang thawkhat. Hei vang hian Swedish star Victor Lindelof hi bench-ah ala thu deuh reng a ni.
Kum 2017 khan Man Utd chuan an la lut a, season liamtaah khan Harry Maguire nen inkawpin League match 38 khelh tur atang match 35 lai mai an khel dun nghe nghe. Man Utd player tangkai tak pakhat ni mahse, a hlawh erawh duh angin a tam lo, karkhatah £120,000 chauh a hlawh a ni.
4 Diogo Dalot – £25,000 per week
Diogo Dalot hian kum 2018 khan Manchester United a zawm a, right back hi season 2 chauh United-ah hian a awm a, tunah hian loan in AC Milan lamah a khel mek. Kum 2019 atang khan Aaron Wan Bissaka’an a dinhmun a luah hneh hle. England lama a hun hman chu a tawp ani nghal der mai.
United-ah hian kar khatah £25,000 chauh a hlawh.
3 Aaron Wan-Bissaka – £90,000 per week
Man Utd player pawimawh tak ani mek a, a hlawh hi kar khatah £90,000 a ni.
2 Mason Greenwood – £75,000 per week
Manchester United goal khung thei tak pakhat a ni mek, mahse, kar khatah £75,000 a hlawh.
1 Scott McTominay – £20,000 per week
Ani pawh hi Manchester United player pawimawh tak pakhat ani a, a hlawh erawh ala tam lo hle.
Source SL