Manchester United in an manager Ole Gunnar Solskjaer an ban hnuah Derby County manager Wayne Rooney chu Manchester United manager thar tur anga sawi a ni. Sawi zawm a nih chungchangah Rooney a tawng chhuak.
Watford lakah an tlawm hnuin Red Devils lam chuan an manager hi an ban a ni..
Manchester United manager hna chelh tura rinkai zingah Zinedine Zidane, Mauricio Pochettino leh Brendan Rodgers te an langsar hle.
Hetihlai hian Wayne Rooney hming pawh lang vein, Old Trafford lama a teammate thlak tumna a neilo niin a sawi a, Championship club tan tiamkamna a nei rih niin a sawi bawk.
“A hmaa ka sawi tawh angin, he club tan hian ka inhlan tawh a, ka chunga awm ten chhuak tura min tih hma chu ka awm ang” tiin Wayne Rooney chuan Manchester Evening News a hrilh.
“Tunah rih chuan Derby County tab ka inhlan a, ka chunga awm ten kan manager tan kan duh tawh lo che an tih hma lo hetah hian ka awm ang.” Tiin a sawi bawk.
Manchester United in manager thar an hmuh hma chu Michael Carrick hian club ala enkawl rih dawn a ni.
Source Sl