Manchester United legend Rio Ferdinand’an Champions League champion tura a rin club 3 hming a sawi

Manchester United defender hlui Rio Ferdinand chuan Chelsea, Liverpool leh Manchester City te chu 2021-22 UEFA Champions League champion tura a rin te anni.

Kan hriat angin Liverpool chuan Serie A hmahruaitu AC Milan chu 2-1 in an hneh a, group stage game-ah hnehna an chang thei vek a ni. Hetihlai hian Manchester City erawh RB Leipzig lakah 2-1 in an tlawm thung. Mahse, Pep Guardiola team te hi an game hnuhnung berah tlawm mahse, Group A ah a chungber anni mek.

Champion lai Chelsea pawhin Round of 16 an lut tawh a, group game bikah an game hnuhnung ber tur atan Zenit St. Petersburg an hmachhawn ang. Juventus leh Chelsea hian an group bikah an point hmuh a inzat chiah a, tunge a chung zawkah awm dawn ala chiang thei rih lo.

Man Utd legend Ferdinand’an Chelsea, Liverpool leh Man City te chu 2021-22 UEFA Champions League champion tura a rin ber thu a sawi chhuak. Manager tha pathum an nei vek niin a sawi bawk.

“A hma khan chuan English pathumte hi ka la hmu ngai lo, Bayern kha champion tura rinkai ber anni thin, mahse, Chelsea, Man City leh Liverpool te hi an tha tak zet. Manager tha tak tak pathum an kawl a ni. Stage sanga experience nei tha tak anni bawk.” tiin Rio Ferdinand chuan BT Sport a hrilh niin Metro in a tarlang.

Bayern Munich pawhin tun season Champions League bikah games 5 an khelh tawh atangin hnehna an chang vek a, goal 19 an khung tling bawk. Group Game hnuhunung berah FC Barcelona an hmachhawn ve dawn a, group stage-ah chuan an sang ber.

Tun season zet zawng Real Madrid lam pawh an che tha viau mai, Group D-ah an sang ber a, game 6 atang game 5 hnehna changin game khat an tlawm ve a ni.

Manchester United pawhin Round of 16 an lut tawh a, an game hnuhnung berah BSC Young Boys an hmachhawn a, an game hnuhnung berah hnehna an chang thei a nih chuan Group F ah hmahruaitu anni thei dawn a ni.

Source SL

Related Posts

error: Content is protected !!