Manchester City star Jack Grealish chuan nikum khan Manchester United a zawm teuh hle niin a sawi.
Kum tlemte liamta atang khan Manchester club pahnih te hian England international Jack Grealish hi an lo duh tawh a, mahse, Manchester United lamin la lut lovin Manchester City lamin an la lut ta zawk a ni.
2020/21 season khan Aston Villa tan Jack Grealish hian contract thar a sign belh lova, kha tih lai khan goal 6 khungin Assist vawi 12 a nei tling.
“Manchester United kha ka zawm teuh hle, mahse, a tawpah eng thil mah a thleng lo.” tiin Jack Grealish chuan Daily Telegraph a hrilh.
“Pre season game ah United nen kan khel a, Burton-ah khan ka khelh ka ring lem lo.”
“United kan hmachhawn zawh khan Aston Villa chief executive leh ka agent hnenah, ka chhuak lo a nih chun contract thar ka sign ang tiin ka hrilh.”
“Thawhlehni zingah ka ui nen kan walk a, contract ka sign, a hnu lawkah pawh ka khel nghe nghe. Clause chungchangah pawh Villa club nen kan inrem vek tawh a, kha clause kha eng team pawhin lo pawm se chuan, chu club chu ka pan ngei ang. A chhan chu season tha tak ka hmang a, Villa pawhin £100 million lai an dawng thei bawk dawn a ni.” tiin a sawi.
Source SL