Site icon HUAPZAU

Manchester United in Wan Bissaka leh Diago Dalot thlaktu atan Brighton star an duh

Manchester United chuan an right back thar tur atan Brighton star Tariq Lamptey chu Old Trafford lamah lak luh an duh hle niin report in a tarlang.

Ralf Rangnick chuan Aaron Wan-Bissaka leh Diogo Dalot te khelhna right back chu upgrade a duh a, anmahni thlaktu tur atan Brighton star Lamptey chu lak luh ngei a duh bawk, Lamptey hi defend line-ah a khel thei a, hei mai bakai wing back ang pawhin a khel thei bawk.

Manchester United lamin kum 21 a upa hi £30 million vela lak luh thei an inring a, hetihlai hian Brighton lamin Lamptey chu £40 million vela hralh chhuah theih an tum ve bawk.

Kum 2020 khan Lamptey hian Chelsea atang Brighton a zawm a, Chelsea first team tan match 3 a inlan hman nghe nghe.

Season hmasa lama a chet that em avangin amah duhtu an awm nual a, England under 21s tana a chet dan avangin Gareth Southgate pawhin alo chhinchhiah nghe nghe.

Nikum March thla khan hliam a neih avangin tun season khelh lai pawh bul a tan thei lova, September thla atang chauh khan a khel thei a ni, hunrei tak a chawlh hnuin, Brighton boss Graham Potter chuan first team lamah awlsam takin a dah lut leh nghal a ni.

Amah duhtu zingah Tottenham Hotspur pawh an tel a, mahse, Wolves atangin Adama Traore chu tlawm zawka lak luh thei an beisei zawk niin an tarlang.

Kan hriat angin Ralf Rangnick’an United a enkawl hnuah Wan-Bissaka leh Dalot hi a chhawkin a luhtir a.

Manchester United chuan Crystal Palace atangin Wan Bissaka hi £50 million in an la lut a a ni, Mahse, United lamin Bissaka hi an ring ngam tak tak lo niin a lang.

Source Mail Sport

Exit mobile version