Manchester United chuan RB Leipzig midfielder Tyler Adams chu lak luh an duh niin report in a tarlang. Red Devils hian January transfer window inhawn hunah an lak hmasak ber tur leh an ngaihtuah hmasak ber tur chu midfielder quality nei tha tak lak luh hi a ni.
Daily Star in a tarlan dan chuan Manchester United lamin an midfielder tih chak nan January transfer window inhawn hunah American midfielder Tyler Adams hi lak luh an tum dawn niin a tarlang. Red Devils lam hian Fred leh Scott McTominay el tu tur atan player naupang, talent nei tha midfielder ni bawk chu lak luh an duh niin an tarlang bawk.
Tyler Adams hi Major League Soccer club New York Red Bulls tan a che tha hle, senior team tan kum 2016 khan a game hmasa ber a khel a, Kum 2017 vel kha chuan player rinrawl ber pakhat a ni. A chet that em avangin European club lam atang ngaihven tu a nghah hle.
Kum 2019 January transer window inhawn lai khan RB Leipzig chuan New York Red Bulls atang an la lut a, RB Leipzig lamah pawh player che tha tak rawn ni chhovin, kum tlemte liam ta atang khan line up velah regular takin a awm a ni.
Kum hmasa lamah khan Leipzig tan all competion ah match 37 a inlan atang goal 1 a khung. Tyler Adams hi RB Leipzig tan defensive midfielder ang pawhin a khel ve zeuh zeuh thin. Mahse, a khelh tam zawkna chu full back leh winger angin a ni. Manchester United hian January transfer window-ah an lak luh theih mai a rinawm.
Manchester United interim boss thar Ralf Rangnick’an RB Leipzig a enkawl vawi 2 naah khan Tyler Adams hi a la lut a, Rangnick chuan player tha tak hmuhin a hmu, Bayern Munich superstar Joshua Kimmich nen a khaikhin ber.
Source SK