Manchester United chuan Old Trafford lama manager nghet tur shorlist-ah manager 4 an pho chhuak niin report in an tarlang.
Kan hriat angin Manchester United chuan November thla khan an manager Ole Gunnar Solskjaer an ban a nih kha, an ban hnuah interim boss atan Ralf Rangnick hi an la lut a, ani hian tun season zawh hma lo United a enkawl ang.
Tun season chhung chauh Rangnick’an United a enkawl dawn a vangin, United lam chuan amah thlaktu tur an zawk mek zel niin report in a tarlang.
The Athletic in a tarlan dan chuan, Manchester United hian manager candidate tur atan hming pali an tar chhuak a, Mauricio Pochettino, Erik ten Hag, Luis Enrique leh Julen Lopetegui te annih thu a tarlang a ni.
Manchester United hian European lama experience nei tha manager lak luh an duh ngei a rinawm a, heng manager 4 hming kan tarlan tak te hi an tling tlak vek a ni.
An zingah Tottenham manager hlui Mauricio Pochettino chiah hi Premiere League lama experience nei a ni a, tun season tan tirh atang tawh khan Manchester United nena sawi zawm an lo ni tawh.
Rangnick’an Manchester United a enkawl hma khan Pochettino chuan Paris Saint-Germain chhuahsana, United enkawl alo tum tawh niin an sawi.
Mahse, thuthang tamtak karah Pochettino chu Parc des Princes lamah awm chhunzawmin, tunah hian Paris Saint-Germain chu Ligue 1 hmahruaitu a nih pui mek.
Ajax head coach Ten Hag pawh hi Manchester United nena sawi zawm a ni a, hun tha a hmu thei a nih chuan Dutch football chhuahsan mai pawh a pawi tilo niin an sawi.
“He hna atan hian ka inring chuan ka hria,” tiin Ten Hag chuan thla hmasa khan Dutch outlet De Volkskrant a hrilh.
FC Barcelona head coach Luis Enrique pawh hi United manager hna chelh tura rinkai zingah a tel.
Enrique hian Spain a chet that pui ang reng a, Euro 2020 pawh khan semi final a thlen pui a, Nations League final a thlen pui, mahse, France lakah an tlawm hlauh mai.
Real Madrid head coach hlui Lopetegui pawh hi United nena sawi zawm a ni a, Spain coach atanga Enrique thlaktu a ni, kum 2019 atang khan Sevilla a enkawl mek.
La liga lamah Sevilla a chet that pui ang reng a, tun season khelh mekah Sevilla chu pahnihna dinhmun hauh puiin, hmahruaitu Real Madrid chu point 4 chauhvin an pha lo a ni.
Source SL