Mizo Football

Manchester United in January transfer window-ah an players pathum an hralh dawn?

Manchester United in January transfer window-ah an players pathum an hralh dawn?

Manchester United chuan January transfer window lo awm turah an players pathum hralh chhuah an tum dawn niin reports in an tarlang.

Kan hriat angin Red Devils chu tunah hian Premiere League table-ah 14na dinhmun an hauh mek a, tun season khelh mekah games 7 an khelh tawh atangin vawi 3 hnehna chang tawhin vawi 3 an tlawm a ni.

Transfer window velah United hi an che tha lo hle, an player duh tak leh top target pawh an la thei hlawm lo, an top target Jadon Sancho chu an lak theih loh zingah a langsar hle a, hetihlai hian an players tha pahnih te chiahin Old Trafford an chhuahsan thei bawk a ni.

Premiere League club lian Man Utd hian an lehkhabuah players 31 an nei mek a, January transfer window lo awm turah players pathum ten club an chhuahsan dawn niin Manchester Evening News chuan a tarlang.

Phil Jones, Sergio Romero leh Marcos Rojo te chu Man Utd manager Ole Gunnar Solskjaer plans ah an tello niin a lang, hei vang hian club lamin January transfer lo awm turah hralh chhuah an tum dawn a ni.

Sergio Romero leh Marcos Rojo ten Utd lama contract an neih hi June 2021 ah a tawp dawn a, January transfer window-ah hian club lamin sum an hmuh theihna hun a ni dawn a ni.

Marcos Rojo hi November ni 10, 2019 atang tawh khan United tan a inlan tawh lova, Jones pawh January ni 26 atang khan a khel tawh lo a ni, Romero pawh Red Devils third choice goalkeeper-ah a tla hniam a ni.

Timothy Fosu Mesah hmalam hun pawh a chianglo a, tun season khelh mek zawh rual hian a contract neih lai a zo ve dawn a ni. Odion Ighalo pawh a awmna club Shanghai Shenhua lamah a kir leh dawn a, ani hi January-ah a contract neih a zo dawn a ni.

SOurce SL

Please follow and like us: