Todofichajes tarlan danin Manchester United chuan Sevilla defender Jules Kounde chu Harry Maguire thlaktu tur (Shortlist) ah an dah tiin an tarlang.
Red Devils lam hian an defence chak lo tak mai chu thlawr fim an duh a. Kum 23 a upa French defender Jules Kounde chu centre back thar Raphael Varane partner tur atan an duh niin an sawi.
Manchester United hian kum 2019 khan Leicester City atangin Harry Maguire hi an la lut a, kha tih laia a man chu £80 million niin khawvel defender man to ber a ni nghe nghe.
Kum 2020 khan Ashley Young chuan Red Devils hi chhuahsanin, a chhuahsan atang kum 28 a upa Harry Maguire chuan captain armband a hreng nghal a ni. Manchester United tana Ole Gunnar Solskjaer plan-ah Maguire hian hmun pawimawh tak mai a luah a, hetihlai hian duh ang takin a che tha lem lo niin a lang.
Manchester United lam chuan Maguire thlaktu tur an zawng nghal der tawh niin report ten an tarlang a, amah thlaktu tur Kounde hian Spanish club-ah kum 2024 thleng contract a nei ve mek bawk. Kounde hi tunlai khawvel defender tha ber pawl a ni a, Sevilla tan chuan tlawm taka han hralh chhuah mai chu thil harsa tak a ni ngei ang.
Summer transfer lai khan French defender hian CHelsea a zawm teuh ang reng hle a. Mahse, Blues lamin a man tur zat £68m (€80m) a lak luh an ngam loh avangin an la lut ta lo kha a ni.
Manchester United lam erawh chuan Sevilla hauh zat pek an tum niin an sawi. Hetianga lak an zuam tak tak a nih chuan Kounde release clause a tel dawn bawk a ni.
Source SL