Manchester United chuan tun summer transfer window-ah Harry Kane chu lak luh an tum lo. Red Devils lamin Jadon Sancho an lak luh hnuah Harry Kane lak luh an tumna an bansan niin report in a tarlang.
Express in a tarlan dan chuan Manchester United chu Harry Kane lak luh tum zingah an tel tawh lo niin an tarlang a. Manchester United hian tun summer transfer-ah striker tha dang lak luh an tum tawhlo niin an sawi.
Kan hriat angin Harry Kane chuan tun summer transfer window-ah hian Tottenham Hotspur chhuahsan a duh niin a sawi a, Premiere League club hrang hrang nena sawi zawm mek a ni, Manchester United, Manchester City leh Chelsea te amah la duh zingah an langsar hle.
Manchester City leh Chelsea hi chuan tlemin Harry Kane beiseina an la nei rih maithei a, Mahse, Manchester United erawh Harry Kane lak luh tum zingah an tel tawhlo. Red Devils hian an squad-ah Anthony Martial leh Edinson Cavani an la nei a, striker anga khel thei Mason Greenwood an kawl bawk.
Roy Keane’an Harry Kane hi Man Utd in la lut se tih a duh
Roy Keane chuan Harry Kane hi tun summer-ah Manchester United in la lut se tih a duh. Harry Kane hi engzat man pawh ni se, club lam hian la lut hram teh se, an top target ni rawh se tiin alo sawi tawh a ni.
“Harry Kane hi player mak dangdai tak a ni. Club zawng zawng hian lak luh tum tawh se, a bik takin Manchester United hian lak luh tum sela, a man hi £120 million pawh ni se, la lut rawh se.” tiin Roy Keane chuan alo sawi tawh a nih kha.
Source Sportskeed