Manchester United hian Jude Bellingham ang player hi an mamawh – Steve McManaman

Manchester United hian Manchester City leh Liverpool te aiin Jude Bellingham ang player hi an mamawh zawk niin Steve McManaman chuan a sawi.

Kum 18 chauhva upa Jude Bellingham hi tun season khelh mekah Borussia Dortmund tan a che tha em em a, Birmingham midfielder hlui hi English Foootball lama kir leh tur anga sawi mek a ni.

Kum 2020 a Bellingham’an Bundesliga a pan hma khan Manchester United chuan £30 million in lak luh an lo tum tawh a, McManaman chuan Bellingham hi Old Trafford lamah lut se tih a duh.

“Manchester United lamah a lut a nih chuan superstar a ni thuai ang” tiin Steve McManaman chuan Horseracing.net a hrilh.

Bellingham has continued to impress for Borussia Dortmund (Image credit: Alamy)

“Amah lei thei tur team i zawng a nih chuan, Manchester United hian Bellingham ang central midfielder hi an mamawh tih i hre thei ang.”

“Manchester City in Rodri, Ilkay Gundogan, Bernardo Silva annei tawh a, an mamawhna a sang lem lo.”

“Liverpool in Jordan Henderson, Thiago, Fabinho te an la lut a, an signing ropui tak a ni ngei ang, player ropui tak a ni a, Mahse, Liverpool in an mamawhna chu thil dangah daih a ni.”

“Henderson hian a career tawp lam a hnaih tawh a, James Milner pawh chutiang tho. Liverpool hian englai pawhin centre midfielder dang an la lut thei reng, mahse, an chep tawh hle.”

“Georginio Wijnaldum’an summer transfer lai khan club a chhuahsan a, fan te chuan amah thlaktu tur an mamawh tiin an sawi a, mahse, an ti lem lo. Mahse, fans thenkhat dangte chuan Jurgen Klopp hian Jude hi la lut se an ti ve bawk.”

“Man City lam hian an mamawh ve maithei, mahse, player ropui tak tak an kawl tawh avangin khelhna hun a chang lo maithei bawk.”

“Manchester United in hetiang centre midfielder hi an mamawh hle. Nemanja Matic leh Juan Mata hian an career tawp lam an hmang tawh a, Paul Pogba pawh a chhuak thut thei.”

“Jude Bellingham ang player mamawh team pakhat chauh an awm a nih chuan, Manchester United chauh hi a ni ang.” tiin Steve McManaman chuan a sawi.

Kan hriat angin January transfer window inhawn hunah Manchester United player thenkhatte chhuak tur anga sawi a awm nual a, Anthony Martial, Marcus Rashford leh Mason Greenwood te hi chhuak tur zinga langsar te chu anni.

Source SB

Related Posts

error: Content is protected !!