Manchester United – Dik lo taka tharum thawhna engpawh awm chu kan ngai dam dawn lo

Kan hriat angin Manchester United rawlthar Mason Greenwood’an a bialnu hlui Harriet Robson kutthlak ni awm taka Instagram-a lar ta hluai avang khan Manchester United lam pawhin thuchhuah an siam ve nghal.

Red Devils lam hian Harriet Robson in Instagram story lama a thlalak post chu an hria a, social media lamah fans lam ten thu dik hriat chakin an nghak ve thup mai.

Club lam chuan statement chhuah ve nghal in, “Social media lamah inpuhna thlalak kan hmu a, thu dik a lan chhuah hma chu eng thu mah kan la sawi chhuak rih lovang. Manchester United chuan dik lo taka tharum thawhna engpawh a ngai dam dawn lo” tiin an chhuah a ni.

Kan hriat angin Mason Greenwood hi Manchester United first team player a ni a, United tan all competion ah match 129 a inlan tawh atang goal 35 a khung tling tawh a ni.

Greenwood hian thil lo tisual ta se, United lamin an ngaihdam a rinawm lo hle.

Source AF

Related Posts

error: Content is protected !!