Manchester United icon Roy Keane chuan Man Utd tana lo khel tawh zawng zawng atang All time XI a thlang a, heng a thlan zingah hian player ropui tak tak te an tellova, chung zingah chuan Rio Ferdinand, Paul Scholes leh Eric Cantona an langsar hle.
Roy Keane hi Old Trafford-ah kum 13 zet mai hun a hmang ve hman a, tun hnai lawk khan United all time XI thlan tir a ni a, hunrei tak a midfield partner lo ni tawh Paul Scholes chu hnawlin Bryan Robson leh Paul Ince te a thlang ta zawk a ni.
Roy Keane’an Scholes a thlan tak loh avang hian mi tamtakin mak an ti hle a, a chhan chu Ryan Giggs tih lovah Scholes aia game khel hnem player dang an awm lo a ni.
“He all time XI ka thlan turah hian kei erawh ka inthlang dawn lo.” tiin Keane chuan Sky Sports a hrilh.
“Ryan Robson hi ka telh ang, Bryan pawh hi Manchester United tana player ropui tak a ni. Manchester United a chet that loh tumah pawh ani hian goal thahnem tak a khung a ni.”
“Nicky Butt leh Scholsey te nena hun kan hman dun lai pawhin hun ropui tak kan tawng, Paul Scholes telh loh hi thil harsa tak a ni. Mahse, Incey hi midfield dangdai tak a ni.” tiin a sawi bawk.
Engpawhnise, a hnuaiah hian Roy Keane’an Man Utd All time XI a thlan te kan rawn tarlang ve leh e.
GK: Peter Schmeichel
RB: Gary Neville
CB: Jaap Stam
CB: Gary Pallister
LB: Dennis Irwin
RM: David Beckham
CM: Paul Ince
CM: Bryan Robson
LM: Ryan Giggs
ST: Wayne Rooney
ST: Cristiano Ronaldo
Source SL
