Manchester City chuan tun summer transfer-ah Harry Kane leh Jack Grealish lak luh nan £215 million lai mai inseng turin an inbuatsaih niin report in a tarlang. Hemi inbuatsaihna atan an player 5 lai mai te chu sum tuak nan an hmang dawn niin an tarlang bawk.
Tukin zing England a report thar berin a tarlan dan chuan, Premiere League champion Man City hian Harry Kane leh Jack Grealish hi lak luh ve ve an duh niin an tarlang.
The Athletic in a tarlan dan chuan Manchester City in an player lak luh tur man an chhut niin a tarlang a, Tottenham Hotspur striker Harry Kane leh Aston Villa captain Jack Grealish man atan hian £175 million atanga £215 million vel an chhut chhuak niin an tarlang. Mahse, heng pawisa zawng zawng hi an player hralh chhuahna atangin hmuh an tum niin an sawi.
An sawi zel danah UEFA Champions League final a an tlawm tak avang khan an player thenkhat hralh chhuah an tum niin an sawi belh. A hnuaiah hian Manchester City Player hralh chhuah tur te kan rawn tarlang e.
Spain international Aymeric Laporte hi thla hmasa atang tawh khan Citizens chhuahsan tur anga sawi alo ni tawh, a chhan chu Season khelh zawh takah khan John Stones leh Ruben Dias’an a hmun an luahkhat hneh zawk avangin.
Portugal No.10 Bernando Sivla pawh Man City in sum tuak nan hralh chhuah an tum niin an sawi, Transfermarkt in Bernardo Silva hlut zawng an tarlanah chuan £59 million vel a ni. Brazil international Gabriel Jesus pawh chhuak tur list-ah a tel.
Manchester City player lak luh tu 2 te:
Potential signing: Jack Grealish (Aston Villa)
Potential signing: Harry Kane (Tottenham Hotspur)
Manchester City player zuar chhuah tum 5 te
Exit list: Benjamin Mendy – £17 million
Exit list: Aymeric Laporte – £38 million
Exit list: Bernardo Silva – £59 million
Exit list: Gabriel Jesus – £51 million
Exit list: Nathan Ake – £27 million
Source SL