Manager atan Sir Alex rawih kan tum tawh – Ex Arsenal Chief

Arsenal chief hlui David Dein chuan Sir Alex Ferguson an Manchester United a hna a neih hmaa manager atan rawih an lo tum tawh thu a sawi. 1986 a Aberdeen boss hi ex Gunners board thenkhat chuan lakluh an lo duh tawh.

Ferguson hi English football chanchin a manager ropui ber pakhat a ni chiang. Scottish manager hlui hian Old Trafford a kum 26 a cham chhungin league nomawi vawi 13 a chawi. Man Utd tana hna ropui thawktu hian Gunners manager nih theihna hun tha a nei hman tep.

”Don Howe thlaktu turin Sir Alex Ferguson hi ka rilru ah a lo awm a, board member dang te atangin George Graham hming a ri ve bawk. Alex leh George ah duhthlan tur kan siam fel thuai a tul. Board member tam zawk chuan George an hna a tlin zawk an ring a, a la naupan mai bakah hlawhtlinna chan chaka tuihal niin an ngai. Tin, a bul thut atanga team a kaihruai theih pawh an beisei” tiin Alex Ferguson chu duh ve bawk mahse board member tam zawk in George Graham lam an hawi thu David Dein an a sawichhuak.

Gunners ex chief chuan sawi chhunzawmin,”Keichuan George lakluh chu risk hlauhawm tak anih ka ring a, chutih mek laiin Alex erawh Aberdeen ah hlawhtlinna a chang nual tawh a, Europe lam thlenga hming chher tawh a ni thung. Ka ngaihchuan chuan Sir Alex Ferguson kha lakluh tum phawt ila, kan theilo ani chuan George Graham. Mahse a tawp ah erawh mi tam zawk duhdan in George lakluh tum in thu kan titlu ta zawk. A laka sum kan offer ai mah khan a phut sang ta mah zawk a, a thusawi ka la hriat reng chu ‘in lak atangin hetiang thil chauh hi hmuh kan inbeisei lo mahse he hmuna hlawhtlinna ka chang anih chuan ka man a tlawm hauh lovang’ tih hi” a ti.

Related Posts

error: Content is protected !!