Tottenham Hotspur defender Matt Doherty chuan an mahni enkawltu (manager) atana Antonio Conte an nei thei chu a lawm thu a sawichhuak. Irish international Doherty ngaihdanin Italian coach Conte hian Tottenham chu dinhmun sang zawkah a la hlangkai dawn.
”Training kan neihna ah te hian min chawkphur lo ni awm fahranin lang thin mahse a ruk tak chuan a tang hle. A hna ah hian a tui em em a, chu chu keini a player te khelhdan atang hian inhriatfiah mai ka ring. Kan nawr dan leh kan khelhdan te hi amah ruahmanna a ni” tiin kum 30 a upa Doherty-an an manager Conte a fak.
Doherty chuan Conte ang manager tha an kawl avanga an lawm thu sawi leh in,” Manager-a kan nei thei hi kan lawm takzet a, club in ani ang manager tha rawih nachang a hria hi an la hlawkpui dawn chauh bawk” a ti.
Season hmasa-a league table pali-na dinhmun hauhtu hian tun season kal meka league game 7 an khelh atangin point 17 an hlawhchhuak tawh a, league table ah 3-na ni mek in an chungah Manchester City leh Arsenal te an awm. Spurs hian an game leh ah Arsenal chu Emirates Stadium ah an tlawh dawn a, October ni 1 tlailam dar 5 ah match hi khelh tan a ni ang.
