January transfer window-ah Manchester United in player thar la lut rih lo mahse, Transfer window tawp hma ngaiin, player pahnih tal an lak luh a rinawm. Hetihlai hian first team player panga lai mai te chu chhuak tur anga sawi anni bawk.
Man Utd interim boss Ralf Rangnick chuan a team atang midfield lam thawm that a tum ruh hle a, a player zawn tam ber pawh a ni bawk. Tunah hian player target pahnih annei mek a, mahse, kar khat leh a chanve vel chauh hun a awm tawh.
Sport Bild in a tarlan dan chuan kum 63 a upa interim boss chuan RB Leipzig leh Mali star Amadou Haidara chu tun January transfer window chhung ngeiah lak luh a tum dawn niin a tarlang.
Kum 23 a upa hi Rangnick’an Bundesliga club a enkawl lai khan a la lut tawh a, Rangnick duh dana khel thin a ni.
Manchester United in Haidara lak luh an tum hma hian an player hlawh hnem pakhat pahnih vel chhuahtir an mamawh ve dawn a ni.
Borussia Monchengladbach midfielder Denis Zakaria, Switzerland tana khel thin pawh hi Rangnick target a nih thu an tarlang. Tun thla chhung ngeiin an lak luh a rinawm.
Manchester United player chhuak tura rinkai player 5 te (Exit List)
Exit list: Donny van de Beek
Exit list: Jesse Lingard
Exit list: Eric Bailly
Exit list: Amad Diallo
Exit list: Anthony Martial
Player lak luh tur rinkai 2 (Potential Signing)
Potential signing: Amadou Haidara (RB Leipzig)
Potential signing: Denis Zakaria (Borussia Monchengladbach)
Source SL