Man Utd Transfer News: Deadline hmain United star 3 ten club an chhuahsan ang em?

January transfer window khar a nih hmain Manchester United player 3 te chuan club an chhuahsan thut thei niin report in a tarlang. Kan hriat angin Manchester United player pahnih Anthony Martial leh Amad Diallo chuan club an chhuahsan tawh a nih kha.

Tun January transfer window hi Red Devils tan chuan player chhuah tur chungchangah buaina a tam ang reng a, Martial leh Diallo te chuan loan Sevilla leh Rangers an pan ve ve tawha ni.

Midang pawh la chhuak tur an la awm rih niin a lang, a bik takin Ralf Rangnick’an United a enkawl hnua khelhna hun chang mang lo thenkhate chu chhuak tura rinkai anni.

Durtch midfielder Donny van de Beek hi chhuak tura rinkai ber a ni mek a, June thla thlenga kawl turin Crystal Palace lamin an duh niin an tarlang.

Ajax Amsterdam player hlui Van de Beek hian kum 2020 khan Red Devils a zawm a, mahse, 2021/22 season-ah hian league game-ah ala start rih lo a ni.

Hetihlai hian transer expertz Fabrizio Romano chuan Donny Van de Beek tan club in plans an la neih rih thu a sawi a, chuvang chuan tun tumah hian chhuah hlen erawh an duh bik lo niin a sawi bawk.

Jesse Lingard pawh hi deadline day zawh hmaa chhuak tur rinkai pakhat a ni, ani pawh hi duh angin First team tan a khel tam thei lova, match 14 chiah ala inlan rih a ni.

Amah duhtu zingah Newcastle United an langsar a, mahse, Magpies hi relegation zone-ah an la awm avangin Lingard hian a zawm duh mai ang em tih chu zawhna lian tak pakhat a ni.

Deadlin Day hmaa United chhuahsan tura rinkai player 4 te

Donny van de Beek – Crystal Palace nena sawi zawm a ni

Jesse Lingard – Newcastle United nena sawi zawm a ni

Dean Henderson – Manchester United hnenah chhuah a dil

Source SL

Related Posts

error: Content is protected !!