Liverpool star Trent Alexander-Arnold chuan Manchester United tana khelh ai chuan football chawlhsan mai a duh zawk dawn niin a sawi.
England ah chuan Liverpool leh Manchester United hi club hlawhtling ber anni a. Kum 10 chhung teh meuh mai an lo inel tawh a, a ruk takin an inelru viau niin a lang.
Liverpool leh Manchester United a awm zawng zawng te chuan North West Derby hi enge tih an hria. Mahse, clubs pahnih player te pawh an inngaina vak lo niin a lang.
Red Devils forward Marcus Rashford pawhin Liverpool tana khelh a duh loh chungchang alo sawi tawh a, Liverpool midfielder Curtis Jones pawhin a sawi bawk. Tun tumah hian Liverpool defender Alexander-Arnold pawhin United tana khelh a duh loh chungchang a sawi ve leh a ni, a ni hi Liverpool player pawimawh tak a ni mek.
Alexander Arnold hnenah Liverpool hi chhuahsan ta la Manchester United tan in khel duh mai ang em tiin an zawt, kum 23 a upa hian Red Devils tana khelh ai chuan retire a thlan zawk thu Sky Sports a hrilh.
“Tunah rih chuan Manchester United zawm ai chuan reitire ka thlang zawk ang.” tiin a sawi.
Alexander-Arnold chuan Manchester United tana khelh ai chuan Everton tana khelh pawh a duh zawk niin a sawi bawk.
“Ka sawi awmzia tak chu Manchester United hi game lian history nei tha tak anni a, Manchester United hian entu pawh a ngah thei hle” tiin Liverpool defender Alexander Arnold chuan a sawi.
Liverpool in Manchester United 5-0 lai maia an hneh tum pawh khan Alexander Arnold hian Jurgen Klopp chu alo puih tawh a, nakum March thlaa an khelh leh hunah pawh a hma ang thova hnehna chan leh ngei a tum ruh hle.
Source SK