Manchester United midfielder hlui Ji Sung Park chuan Tottenham Hotspur star Son Heung-Min chu Old Trafford lamah insawn se tih a duh.
Son Heung Min hi Spurs team atangin Premiere League forward tha ber pakhat anga sawi a ni. Kum 2015 khan Beyer Leverkusen atang £22 million in Spurs a zawm a. A zawm atang Son Heung Min hian Spurs tan all competion ah match 299 inlan tawhin goal 114 a khung mai bakah assist vawi 67 a nei tling tawh a ni.
Ji Sung Park chuan a South Korean pui Son hi Manchester United lamah pawh a chet that theih viau a ring.
“Son hian Premiere League-ah a that zia a pholang tawh a, United lamah pawh tha takin a che thei ngei ang tih ka ring. Mahse, Old Trafford a pan theih loh chhan tur thil te tham tak pakhat a awm a, chu chu Cristiano Ronaldo hak lai jersey number 7 a ruah tawh loh avangin.”
Park hian Son mai bakah player dang pahnih Manchester United tana che tha tur hming a sawi.
“Son ni lo player dang thlang dawn ta ila, Wolves player Hwang Hee-chan emaw Malloca player Lee Kan-in te pawh hi United tan an che tha thei viau dawn a ni.” tiin a sawi belh.
Kan hriat angin Manchester United leh Son striker partner Harry Kane hi sawi zawm anlo ni tawh a, Manchester City lam pawhin lak luh an tum ruh hle, £80 million laiin lak luh an lo tum a, Spurs lam hian an lo hnawl sak a ni.
Son hian tun hnai lawk khan Spurs tan kum 6 daih contract a sign a. Mahse, trophies an chawi theih loh avangin, Manchester United te ang club ah a luh thuai a rinawm.
Source SL