Man Utd player lak luh danah C Ronaldo hmalam hun a innghat?

Manchester United star Cristiano Ronaldo hmalam hun ala chiang thei tak tak lova, Spanish outlet AS tarlan danin Manchester United hian season thar atan player pakhat pawh an la lalut rihlo niin a tarlang.

2021-22 season kha Manchester United tan season duhawmlo tak a ni a, Ole Gunnar Solskjaer’an enkawl hmasa zawkin, a hnuah Ralf Rangnick’an a enkawl ve leh a ni. Premiere League season a tawp meuh chuan parukna dinhmun an hauh pha tawk a, PL champions Manchester City chu point 35 lai maiin an hlat bawk. Tunah hian an manager thar atan Erik ten Hag chu an la lut tawh a, season thar lo awm turah squad a thawm that ngei a rinawm.

Squad-ah player thar an lak luh rih loh avangin Cristiano Ronaldo pawh a mangang deuh niin an sawi. Kum 37 a upa C Ronaldo hian Old Trafford-ah kum 2 daih contract a nei a, season thar lo awm tur hi a contract tawpna tur a ni. Report thenkhat tarlan dan chuan, Ronaldo hian Old Trafford-ah a contract hnuhnung ber hman a duh lo niin an tarlang.

AS lam erawh chuan Cristiano Ronaldo’an kum 2 contract a neih hi hman zawh a duh niin an tarlang ve thung. Manchester United lamin UEFA Champions League khel thei dawn lo mahse, Europa League lamah an inlan thei dawn a ni.

Season thar lo awm turah C Ronaldo hi Manchester United lamah hun ala hman chhoh zel a rinawm. Manchester City lamin Erling Haaland an la lut tawh a, chutiang bawkin Liverpool lam pawhin Benfica atang Darwin Nunez an la lut ve bawk, anni pahnih hi United player duh zingah an tel.

United lamin player thar la lut rihlo mahse, an lak luh tum zingah Jurrien Timber, Frenkie de Jong leh Christian Eriksen te an langsar hle. Reports tarlan danin Erik ten Hag hian season thar inbuatsaihna atan tun transfer window-ah player thar 5 lai mai lak luh a duh niin an tarlang.

Source SK

Related Posts

error: Content is protected !!