Manchester United leh European club lian dangte nena sawizawm ni mahse Marcus Thuram chu Spanish club hlun Barcelona lama zawrh a ni.
French forward hian tun season tawp rualin a khelh mêk na Borussia Monchenglabdbach chu free transfer in a chhuahsan dawn a, Europe club lian zawk a zawm ngei a rinawm.
Kum 25 a upa hian tun season ah Gladbach tan goal 14 a khung tawh a, Bundesliga table a 10-na ni mêk team tana player pawimawh ber pakhat a ni chiang. FIFA World Cup 2022 khan France squad ah a tel bawk.
Marcus Thuram agent chuan a client hi Laliga table hmahruaitu Barcelona lamah a zuar niin Mundo Deportivo chuan a tarlang.
Thuram hi Barcelona mai bakah Manchester United, Chelsea, Paris Saint Germain, Atletico Madrid leh Chelsea te nena sawizawm anni ve bawk. Barca lama zawrh ni mahse club lian dang te tan pawh a lâkluh kawng a phui chuang lo ve.
Club sum dinhmun a that tawk loh avangin Barcelona hian free transfer a player tha lâkluh an duh ber a, Thuram hi an chawlut thei anih chuan attack lamah an tangkai pui ngei ang le.
