Ole Gunnar Solskjaer hnuaiah Manchester United hi an la tha tak tak rih lo niin a lang. Newcastle United lakah result tha tak an hmu a, mahse, UEFA Champions League match Young Boys nen an khelh tumah an che tha lo hle.
Tunah hian Manchester United lamah Ole Gunnar Solkjaer dinhmun a derthawng leh tan niin thuthang a tam hle. Game a enkawl danah Man Utd fans te hrilh a hai deuh niin a lang. Manchester United hian player tha tak tak, talent nei tha an kawl nual a, mahse, coach lam erawh an duhthu ala sam chiah lo a ni.
Engpawhnise, tun tumah hian Ole Gunnar Solskjaer thlak theitu tura rinkai manager 4 kan rawn tarlang ve leh dawn a ni.
4 Erik ten Hag (Ajax)
Erik ten Hag’an Ajax a enkawl hnuah a chet that pui ang reng hle. League lian zawk lama a insawn hun tur a nghahhlelawm hle.
Kum 2017 atang khan Ajax manager a ni tan a, a enkawl hnuah Ajax chu Eredivisie nomawi 2 a chawi pui mai bakah UEFA Champions League semi final a luh pui bawk. A enkawlna hnuaiah Frenkie de Jong, Matthijs de Ligt leh Donny van de Beek te chu player tha takah an chhuak a, sum tam tham tak hmanga hralh chhuah an ni.
Kum 51 a upa Erik ten Hag hi Bayern Munich nen pawh sawi zawm alo ni tawh a, tun summer transfer lai pawh khan PL club Tottenham nen sawi zawm alo ni bawk. Van de Beek vang pawhin Old Trafford lam hi a pan duh mai hmel.
3 Brendan Rodgers (Leicester City)
Brendon Rodger pawh hi Manchester United nena sawi zawm ve a ni, kum 2014 khan Liverpool chu Premiere League table-ah pahnihna dinhmun alo hauh pui tawh a ni.
Liverpool a enkawl hnuah Celtic enkawl lehin Scottish Premiership nomawi vawi 2 a chawi pui a, Scottish League Cup 3 a chawi pui bawk. Kum 2018 khan Premiere League club Leicester City a enkawl tan leh a ni.
2 Zinedine Zidane
Kawng tamtakah tuna Manchester United squad hi Zidane duhthusam a nih ngei a rinawm. Zidane’an Real Madrid a enkawl lai khan superstar tamtak an awm a, Real Madrid a enkawl chhung khan hlawhtlinna tamtak a chang a ni.
Man utd ah C Ronaldo leh Raphael Varane an awm tawh a, an ni pahnih hi Zidane lakah an mikhual lo hle. Los Blancos player pawimawh tak anni.
Zidane hian French midfielder aul Pogba a duh zia alo sawi tawh thin a, Zidane’an Real Madrid a enkawl lai khan, Pogba chu Real Madrid lama lut tur anga sawi a ni. Mahse, a lut thei bik lo. Man Utd coach atan Zidane hi a tha dawn hle.
1 Antonio Conte
Antonio Conte hi Manchester United manager tura rinkai ber pakhat a ni mek. Hlawhtling turin hun a duh rei vak ngai lo. Chelsea leh Inter Milan a enkawl chhung khan a chiang hle. Manchester United hi enkawl ta se a champion pui thei mai a rinawm.
Source Sl