Manchester United chuan tun summer transfer window-ah hian player tha ve tak an lak luh ngei a rinawm a, an lak tum ber (main target) an puang niin a lang.
Tun window hi Red Devils tan pawh hnathawh tur a tam viau dawn a, trophy chawi lova season an khar hnuah, Man Utd fan tamtak te chu an lungawi lo hle, a bik takin UEFA Europa League final-a an loss vang khan an lung a awi lo zual niin report in a tarlang. Kan hriat angin Unai Emery enkawl Villarreal lakah an tlawm a nih kha.
Europe a report hrang hrangin an tarlan dan chuan Red Devils manager Ole Gunnar Solskjaer hian season thar inbuatsaihna atan a squad a tih chak a tum hle niin an tarlang hlawm.
Manchester Evening News tarlan dan chuan, Premiere League club lian Man Utd hian Spain international Pau Torres chu Old Trafford lamah lak luh an tum dawn niin a tarlang. Europa League final-ah khan a che tha hle.
Kum 24 a upa Pau Torres hian release clause £51 million lai a nei a, mahse, Man Utd lam hi an confi hle niin an sawi, Villarreal hian player pek mai bakah pawisa zawng pawhin an accept thei dawn niin an ngai.
Pahnihnaah chuan Borussia Dortmund winger Jadon Sancho pawh Manchester United lamin a man atan £75 million lai an thehchhuak tawh niin an tarlang.
2020/21 season tan tir khan Jadon Sancho hian English champion vawi 20 ni tawh Man Utd hi a zawm teuh tawh hle a, mahse Dortmund lamin an duh ang, United in an tih hlawhtlin theih loh avangin an la lut lo a ni.
Tun summer transfer window-ah hian an main target ber a ni leh a, an lak luh ngei a rinawm tawh.
Source SL