Manchester United leh Liverpool te chuan Chelsea lak tum FC Barcelona defender Ronald Araujo chu lak luh an tum ve niin ESPN in an tarlang. Mahse, Premiere League club pathum lai maiin Arauja hi lak luh duh mahse, contract pawhsei sak an tum ve bawk.
Kum 2018 summer transfer lai khan Barcelona chuan Uruguayan club Boston River atangin Ronald Arauja hi €2 million chauhin an la lut a. Ernesto Valverde’an FC Barca a enkawl lai khan central defender hian Sevilla an hmachhawn tumin senior game hmasa ber a khel a ni.
Barcelona senior team tana a khelh hmasak ber atangin Arauja hian all competion ah Barca tan match 52 lai a inlan tawh a, tun season khelh mekah kum 22 a upa hian match 13 khel tling leh tawhin goal 1 a khung mek.
Arauja khelh dan atangin Barca lam hian hun lo la awm turah, Pedri, Ansu Fati leh Gavi te ho nen an key player a ni thei dawn niin an ngai.
Tuna contract a neih mek hi 2023 summer transfer ah a zo dawn a, FC Barca lam hian contract dang pek an duh niin an tarlang.
Mahse, Arauja contract pek belh hi a awlsam dawn lo niin alang, Pedri leh Fati te contract thar pek an ngai bawk ang. FC Barcelona hian an chhuahtir leh mai a rinawm a, Premiere League club lian atang duhtu a nei nual bawk nen.
Chelsea, Manchester United leh Liverpool ten Arauja lak luh an tum dawn
Kum 5 dang lo awm tur atan Barcelona hian Arauja hi contract pek ngei an duh. Mahse, Barcelona lamin a hlawh pek an tum ai daihin Arauja hian a demand sang viau mai thei.
Sum lama harsatna tawk mek Barcelona lamin Arauja hlawh duh ang an pek theih loh hlauh chuan sum lama buai ve vak lo leh sum hmanga thil ti thei tak Liverpool, Manchester United leh Chelsea te tan lak luh theihna chance tha tak a ni ngei ang le.
Source SL