Footballer thenkhatte dream chu Manchester United leh FC Barelona tana khelh hi a ni, mahse, player tlemte chu an duhthusam an ti hlawhtling.
Manchester United leh Camp Nou-a khel tawh thenkhatte chu an hlawhtling hle, a bik takin Henrik Larsson hi a hlawhtling pawl tak a ni.
Manchester United leh Barcelona tana lo khel tawh player 8 te leh an chet dan thenkhatte kan rawn tarlang dawn a ni.
Mark Hughes
80s chho velah khan Hughes hi Old Trafford-ah alo khel tawh a, goals 47 lai a khung, Season 3 a awmnaah FA Cup nomawi a chawi pui nghal a ni.
Manchester United tan a chet that em avangin Barcelona manager Terry Venables chuan kum 1986 khan £2million in Camp Nou lamah a la lut, Spain ah hian season khat chauh a awm a, goal 4 a khung.
Bayern Munich lamah kum khat chhung loan a a khelh hnuin, Alex Ferguson chuan Hughes hi Old Trafford lamah a la lut leh a ni. Man Utd lama a kir leh hnu hian United legend-ah a inchhuah, goal 100 ai tam a khung a, kum 26 hnuah League nomawi a chawi pui leh a ni.
Laurent Blanc
Blanc hi Nou Camp emaw Old Trafford-ah khan a che tha lem lo, mahse, Spanish Cup, CUp Winner Cup leh Premiere League nomawi a chawi ve ve.
Kum 1996 khan Blanc hi Johan Cruyff chuan Camp Nou ah a la lut a, a lak luh ni hian Cruyff chu ban nhgal a ni.
World Cup winner hi Barca manager Bobby robson hnuaiah season khat chiah a khel hman a, Man Utd lamah a career a hmang zo a ni. Kum 2001 atanga 2003 thleng hun a hmang.
Jordi Cruyff
Johan Cruyff fapa Jordi Cruyff hi Barcelona aah khan apa hnuaiah a khel a, kum 1996 khan United lama a khel leh.
Old Trafford a awm chhung khan Premiere League nomawi a chawi a, kum 4 chhung teh meuh mai United ah khan hun a hmang a, league match 34 a khel a ni.
Cruyff hian a career ah level sang tak a thleng ngai lova, Spain, Ukraine leh Malta ah te a khel kual.
Henrik Larsson
Larsson hi Celtic-ah kum 7 vel hun a hmang a, goals 240 ai tam a khung, Scottish club hi kum 2003 khan UEFA Cup nomawi a chawi pui nghe nghe.
Kum 2004 khan Barcelona a pan a, kum 2 hnuah UEFA CHampions League nomawi a chawi pui, final ah Arsenal nen an intum a, 2-1 in hnehna an chang, heta goal 2 hi a assist ve ve a ni.
Helsingborg lamah kir lehin, 2006/07 season khan United a zawm. Premiere League nomawi a chawi pui leh nghal.
Gerard Pique
Kum 2008 a Man Utd a chhuahsan hma khan Old Trafford lamah first team a chang tha mang lo.
Mahse, Barcelona lama a kir leh hnuin, khawvel defender tha ber pakhatah a inchhuah.
Victor Valdes
Victor Valdes hi Camp Nou lamah chuan legend a ni, games 500 chuang a khel a, nomawi tamtak a chawi pui tawh UEFA Champions leageu nomawi 3 pawh a chawi pui.
Kum 2015 January thla khan United lamah a lut leh a, David de Gea back up tu a ni. Mahse, United ah khan Premiere League game 2 ah chiah a inlan thei.
2016/17 season ah khan Middlebrough a zawm a, Premiere Leageu atang an tla.
Zlatan Ibrahimovic
Ferguson hunlaia player ropui ber pakhat a ni. 2016/17 season khan Man Utd chu League Cup nomawi leh Europa League nomawi a chawi pui.
2009 atanga 2011 thleng khan Barcelona ah a khel a, mahse, Pep Guardiola hnuaiah beisei angin a che tha lem lo. FC Barcelona lama a khelh lai khan AC Milan lamah loan in a khel a ni.
Alexis Sanchez
2011 atanga 2014 khan FC Barcelona tan a khel a, La LIga goal 39 lai a khung, mahse, Neymar leh Suarez an rawn luh hnu atangin khelhna hun a nei tlem sawt.
Arsenal chuan la lutin, Premiere League player tha ber pakhat a rawn ni chho, Arsenal tan game 122 a inlan atangin goal 60 lai a khung a ni.
January 2018 transfer window-ah khan United chuan la lutin, beisei a pha lo hle, thla 18 chhungin goal 3 chiah a khung thei.
SOurce TSF